Hrudayamanedu Talupu nodda || హృదయమనెడు తలుపు నొద్ద || Andhra kraistava keerthanalu || Sri Pulipaka Jagannadham

 

 

Written by: #PulipakaJagannadham garu 

 

Voice over: Sri. Acharya RRK Murthy garu 

 

Credits to: original composers

 

 

 

 

హృదయమనెడు తలుపు నొద్ద – యేసు నాథుండు 

 

నిలచి – సదయుడగుచు దట్టుచుండు – సకల విధములను (2)

 

 ||హృదయ||

 

పరుని బోలి నిలుచున్నాడు – పరికించి చూడ 

 

నతడు – పరుడు గాడు రక్షకుండు – ప్రాణ స్నేహితుడు (2) 

 

||హృదయ||  

 

కరుణా శీలుండతడు గాన – గాచి యున్నాడు 

 

యేసు – కరుణ నెరిగి గారవింప – గరము న్యాయంబు (2) 

 

||హృదయ|| 

 

ఎంత సేపు నిలువ బెట్టి – యేడ్పింతు రతని 

 

నాత – డెంతో దయచే బిలుచుచున్నా – డిప్పుడు మిమ్ములను (2) 

 

 ||హృదయ||

 

అతడు మిత్రుడతడు మిత్రుం – డఖిల పాపులకు 

 

మీర – లతని పిలుపు వింటి రేని – యతడు ప్రియుడగును (2) 

 

||హృదయ||  

 

జాలి చేత దన హస్తముల – జాపి యున్నాడు 

 

మిమ్ము – నాలింగనము సేయ గోరి – యనిశము కనిపెట్టు (2) 

 

||హృదయ||  

 

సాటిలేని దయగల వాడు – సర్వేశు సుతుడు 

 

తన – మాట వినెడు వారల నెల్ల – సూటిగ రక్షించు (2) 

 

||హృదయ|| 

 

చేర్చుకొనుడి మీ హృదయమున – శ్రీ యేసునాథు 

 

నతడు – చేర్చుకొనుచు మీ కిచ్చును – చీర జీవము కృపను (2) 

 

||హృదయ|| 

 

అతడు తప్పక కలుగజేయు – నఖిల భాగ్యములు 

 

మీర – లతని హత్తుకొందు రప్పు – డానందము తోడ (2) 

 

||హృదయ|| 

 

బ్రతుకు శాశ్వతంబు కాదు – పరికించు చూడు 

 

గాన – బ్రతికి యుండు కాలముననే – ప్రభుని గొలువండి (2) 

 

 ||హృదయ||