ఉన్నవాడవు అనువాడవు నీవు
ఉన్నవాడవు అనువాడవు నీవు నిన్న నేడు నిరతము మారని మా యేసయ్య (2) అల్ఫాయు ఒమేఘాయు నీవే కదా ఆధ్యంత రహితుడవు నీవే కదా (2)
హల్లెలూయా స్తోత్రార్హుడా – యుగయుగములకు
స్తుతి పాత్రుడా (2)
|| ఉన్నవాడవు ||
1. పలుకబడిన వాక్కుతో ప్రపంచములు నిర్మించితివి
మంటితో మమ్ముజేసి జీవాత్మను ఊదితివి (2)
మమ్మునెంతో ప్రేమించి మహిమతో నింపితివి
పరము నిండి దిగివచ్చి మాతో నడచితివి (2)
|| అల్ఫాయు ||
2. పాపమంటియున్న మాకై మా పరమ వైద్యునిగా
నీ రుధిరం మాకై కార్చి ప్రాయశ్చిత్తం చేయగా (2)
మొదటి వాడా కడపటి వాడా జీవింపజేసితివే
నీదు ఆత్మతో నింపితివి మము సరిజేసితివి (2)
|| అల్ఫాయు ||
3. ప్రతి వాని మోకాలు వంగును నీ నామమున
ప్రతి వాని నాలుక చాటును నీ మహిమను (2)
తరతరములకు మమ్మేలు వాడా -భూపతుల రాజువే
మేఘారూఢుడవై దిగివచ్చి – మహినేలు మహారాజువే (2)
|| అల్ఫాయు ||
No comments:
Post a Comment
Suggest your Song in the Comment.