ఆకాశము వైపు నా కన్నులెత్తుచున్నాను
నా సహాయకుడవు నీవే యేసయ్యా.... ॥2॥
కలవరము నొందను నినునమ్మి యున్నాను
కలత నేను చెందను కన్నీళ్లు విడువను
1. ఆకాశముపై నీ సింహాసనమున్నది
రాజదండముతో నన్నేలుచున్నది
నీతిమంతునిగా చేసి నిత్యజీవమనుగ్రహించితివి
నేనేమైయున్నానో అది నీ కృపయే కదా .....
|| ఆకాశము వైపు॥
2. ఆకాశము నుండి నాతో మాట్లాడుచున్నావు
ఆలోచన చేత నన్ను నడిపించుచున్నావు
నీ మహిమతో నను నింపి నీ దరికి నన్ను చేర్చి (చేర్చితివి)
నీవుండగ ఈ లోకములో ఏదియు నాకక్కరలేనే లేదయ్యా....
|| ఆకాశము వైపు ||
3. ఆకాశము నుండి అగ్ని దిగివచ్చియున్నది
అక్షయ జ్వాలగ నాలో రగులుచున్నది
నా హృదయము నీ మందిరమై తేజస్సుతో నింపి (నింపితివి)
కృపాసనముగా నను మార్చి నాలో నిరంతరము నివసించితివి....
॥ ఆకాశము వైపు ॥
4. ఆకాశము నీ మహిమను వివరించుచున్నది
అంతరిక్షము నీ చేతి పనిని ప్రచురించుచున్నది
భాషలేని మాటలేని స్వరమే వినబడనివి
పగలు బోధించుచున్నదీ రాత్రి జ్ఞానమిచ్చుచున్నది....
॥ ఆకాశము వైపు॥
5. క్రొత్త ఆకాశం క్రొత్త భూమి నూతన యెరూషలేము నాకై నిర్మించుచున్నావు
మేఘ రథములపై అరుదెంచి నను కొనిపోవా....
ఆశతో వేచియుంటినీ త్వరగా దిగిరమ్మయ్య ....
॥ ఆకాశము వైపు ॥
No comments:
Post a Comment
Suggest your Song in the Comment.