చేరితి నిన్నే
చేరితి నిన్నే యేసునాధ - నీవే నా దైవం
కోరితి నిన్నే ఆశతీరా - మనసే నీ సొంతం
ఉన్నతమైన నీ ఘన నామం - జీవము నింపే ఆశాదీపం
నీవే నా గానం - నాలో ఆనందం
నీవే రాగం - నీవే ధ్యానం - నా ప్రాణం నీవేగా
1. ప్రేమకు రూపం - నీ అనురాగం - పాడి కీర్తింతును
జీవితమంతా నీ ఘనకార్యం - నేను వివరింతును
నా తోడుగా నీవుండగా - నీ ప్రేమతో దీవించగా
సాగాలి ఈ స్నేహము - ఇదే నాకు ఆధారము
చూపావు నీ మార్గము - సదా నీవే నా క్షేమము
2. నా శ్రమలోన వేదనలోన - నన్ను చూసావుగా
నీ కృపలోన నా దరి చేరి - నీలో దాచావుగా
నీ ఆత్మతో నింపావుగా - కనుపాపగా కాచావుగా
ఏనాటి అనుబంధమో - ఇదే నాకు సౌభాగ్యము
వేవేల స్తోత్రాలతో - సదా నీకే నా గీతము
No comments:
Post a Comment
Suggest your Song in the Comment.