Devuniki Sthothramu Ganamu Song Lyrics || Andhra Kraisthava Keerthanalu

               దేవునికి స్తోత్రము గానము

దేవునికి స్తోత్రము గానము చేయుటయే మంచిది

మనమందరము స్తుతిగానము చేయుటయే మంచిది

1. యెరుషలేము యెహోవాయే కట్టుచున్నవాడని

ఇశ్రయేలీయులను పోగుచేయువాడని ||దేవునికి||

2. గుండె చెదరిన వారిని బాగుచేయువాడని

వారి గాయములన్నియు కట్టుచున్నవాడని ||దేవునికి||

3. నక్షత్రముల సంఖ్యను ఆయనే నియమించును

వాటికన్నియు పేరులు పెట్టుచున్నవాడని ||దేవునికి||

4. ప్రభువు గొప్పవాడును అధిక శక్తి సంపన్నుడు

జ్ఞానమునకు ఆయనే మితియు లేనివాడని ||దేవునికి||

5. దీనులకు అండాయెనే భక్తిహీనుల కూల్చును

సితారాతో దేవుని స్తుతులతో కీర్తించుడి ||దేవునికి||

6. ఆయన ఆకాశమున్ మేఘములతో కప్పును

భూమికొరకు వర్షము సిద్ధపరచువాడని ||దేవునికి||

7. పర్వతములలో గడ్డిని పశువులకు మొలపించెను

అరచు పిల్లకాకులకును ఆహారము తానీయును ||దేవునికి||

8. కృప వేడు వారిలో సంతసించువాడని ||దేవునికి||

గుర్రముల నరులందలి బలము నానందించడు

9. యెరుషలేము యెహోవను సీయోను నీ దేవుని

కీర్తించుము కొనియాడుము ఆనందించువాడని ||దేవునికి||

10. పిల్లల నాశీర్వదించియు బలపరచు నీ గుమ్మముల్

మంచి గోధుమపంటతో నిన్ను తృప్తిగనుంచును ||దేవునికి||

11. భూమికి తనయాజ్ఞను ఇచ్చువాడు ఆయనే

వేగముగను దేవుని వాక్యము పరుగెత్తును ||దేవునికి||

12. వాక్యమును యాకోబుకు తెలియచేసినవాడని

ఏ జనముకీలాగున చేసియుండలేదని ||దేవునికి||