భక్తులారా స్మరియించెదము ప్రభుచేసిన మేలులన్నిటిని
అడిగి ఊహించు వాటికన్న మరి సర్వము చక్కగ జేసె
1. శ్రీయేసే మన శిరస్సై యుండి, మహాబలశూరుండు
సర్వమునిచ్చెను తన హస్తముతో - ఎంతో దయగలవాడు ||భక్తు||
2. గాలి తుఫానులను గద్దించి, బాధలను తొలగించె
శ్రమలలొ మనకు తోడైయుండి - బయలు పరచె తన జయమున్ ||భక్తు||
3. జివ నదిని ప్రవహింపజేసె, సకల స్థలంబులయందు
లెక్కకుమించిన ఆత్మల తెచ్చె - ప్రభువే స్తోత్రార్హుండు ||భక్తు||
4. అపొస్తలుల, ప్రవక్తలను, సువార్తికులను యిచ్చె
సంఘము అభివృద్ధిని చెందుటకు సేవకులందరినిచ్చె ||భక్తు||
5. మన పక్షమున తానే పోరాడి సైతానును ఓడించె
ఇంతవరకును ఆదుకొనెనుగా - తన మహాత్మ్యము జూపె ||భక్తు||
6. ఈ భువియందు జీవించుకాలం, బ్రతికెదము ప్రభుకొరకే
మనమాయన కర్పించుకొనెదము - ఆయన ఆశయమదియే ||భక్తు||
7. కొంచెము కాలమే మిగిలియున్నది, ప్రభువును సంధించుటకై
గనుక మనము నడచుకొనెదము - ప్రభు మార్గములయందు ||భక్తు||
No comments:
Post a Comment
Suggest your Song in the Comment.