నిజ స్నేహితుడా
పల్లవి: నా చెలిమి కోరి - నీ కలిమి వీడి,
నా చెంత చేరావు శ్రీమంతుడా!
నా రక్షణ కొరకై - ఆ శిక్షను పొంది,
బలియాగమైన నిజ స్నేహితుడా! (2)
1. ద్రోహినై - దూరమైతిని,
పాపినై - పరుగులెడితిని
గమ్యమే - ఎరుగనైతిని
మరణమే - శరణమాయెను.
ఎంతో ప్రేమించితివి - నాస్థానమందు నిలిచితివి,
కృపతో నను రక్షించితివి - నా దోషశిక్ష భరించితివి. ll నా చెలిమి ll
2. నిందలు - అవమానములు,
హేళనలు - చీత్కారములు
కఠిన దెబ్బలు - ముళ్లపోటులు,
శిలువ భారం - కాయమంతా గాయం
హృదినే బాధించినా - భరించావు వేదన మౌనముగా
తనువే తల్లడిల్లినా - తృప్తినొందావు నను తలచుకొని. llనా చెలిమి ll
ఏ రీతి నిన్ను - కీర్తించగలను?
నా నీతి నీవే ఓ యేసుదేవా!
నీ సాక్షిగా నిలిచి - నీ ప్రేమను చాటి,
ఘనపరతును నిన్నే ప్రియ స్నేహితుడా!
No comments:
Post a Comment
Suggest your Song in the Comment.