Devude Naakashrayambu Song Lyrics || Andhra Kraisthava Keerthanalu || Christian Old Songs Lyrics

   దేవుడే నాకాశ్రయంబు

దేవుడే నాకాశ్రయంబు – దివ్యమైన దుర్గము

మహా వినోదు డాపదల – సహాయుడై నన్ బ్రోచును

అభయ మభయ మభయ మెప్పు

డానంద మానంద మానంద మౌగ ||దేవుడే||

1. పర్వతములు కదిలిన నీ – యుర్వి మారు పడినను

సర్వమున్ ఘోషించుచు నీ – సంద్ర ముప్పొంగినన్ ||అభయ||

2. దేవుడెప్డు తోడుగాగ – దేశము వర్ధిల్లును

ఆ తావు నందు ప్రజలు మిగుల – ధన్యులై వసింతురు ||అభయ||

.

3. రాజ్యముల్ కంపించిన భూ – రాష్ట్రముల్ ఘోషించిన

పూజ్యుండౌ యెహోవా వైరి – బూని సంహరించును ||అభయ||

4. విల్లు విరచు నాయన తెగ – బల్లెము నరకు నాయన

చెల్ల చెదర జేసి రిపుల – నెల్లద్రుంచు నాయనే ||అభయ||

5. పిశాచి పూర్ణ బలము నాతో – బెనుగులాడ జడియును

నశించి శత్రు గణము దేవు – నాజ్ఞ వలన మడియును ||అభయ||

6. కోటయు నాశ్రయమునై యా – కోబు దేవు డుండగా

ఏటి కింక వెరవ వలయు – నెప్డు నాకు బండుగ ||అభయ||