Yehova Naa Balama
Song Telugu Lyrics ||
యెహోవా నా బలమా
Telugu Song Lyrics ||
Telugu old christian song Lyrics
యెహోవా - నా బలమా
యధార్థమైనది నీ మార్గం
పరిపూర్ణమైనది నీమార్గం
1. నా శత్రువులు నను చుట్టినను
నరకపు పాశము లరికట్టినను
వరదవలె భక్తిహీనులు పొర్లిన
విడువక నను ఎడబాయనిదేవా ||యెహోవా - నా బలమా ||
2. దయగల వారిపై దయచూపించును
కఠినుల యెడలను వికటము చూపును
గర్విష్టుల యొక్క గర్వము నణచును
సర్వము నెరిగిన సర్వాధికారి ||యెహోవా - నా బలమా ||
3. మరణపు టురులలో మరువక మొరలిడ
ఉన్నత దుర్గమై రక్షణ శృంగమై
తన యాలయములో నా మొర వినెను
అదరెను ధరణి భయకంపముచే ||యెహోవా - నా బలమా ||
4. పౌరుషము గల ప్రభు కోపింపగ
పర్వతముల పునాదులువణకెను
తన నోట నుండి వచ్చిన యగ్ని
దహించి వేసెను వైరులనెల్ల ||యెహోవా - నా బలమా ||
5. మేఘములపై ఆయన వచ్చును
మేఘములను తన మాటుగ జేయును
ఉరుములు మెరుపులు మెండుగజేసి
అపజయమిచ్చును అపవాదికిని ||యెహోవా - నా బలమా ||
6. నా దీపమును వెలిగించువాడు
నా చీకటిని వెలుగగ జేయును
జలరాసులనుండి బలమైన చేతితో
వెలుపల జేర్చిన బలమైన దేవుడు ||యెహోవా - నా బలమా ||
7. నా కాళ్ళను లేడి కాళ్ళగజేసి
ఎత్తైన స్థలములో శక్తితో నిలిపి
రక్షణ కేడెము నాకందించి
అక్షయముగ తన పక్షము జేర్చిన ||యెహోవా - నా బలమా ||
8. యెహోవా జీవముగల దేవా
బహుగా స్తుతులకు అర్హుడవీవె
అన్య జనులలో ధన్యత జూపుచు
హల్లెలూయ స్తుతి గానము చేసెద ||యెహోవా - నా బలమా ||
No comments:
Write CommentsSuggest your Song in the Comment.