పరిమళతైలం నీవే
పరిమళతైలం నీవే - తరగని సంతోషం నీలో
జీవనమకరందం నీవే - తియ్యని సంగీతం నీవే
తరతరములలో నీవే - నిత్యసంకల్పసారధి నీవే
జగములనేలే రాజా - నాప్రేమకు హేతువు నీవే
1. ఉరుముతున్న మెరుపులవంటి
తరుముచున్న శోధనలో॥ 2॥
నేనున్నా నీతో అంటూ నీవే నాతో నిలిచినావు
క్షణమైనా విడువక ఔదార్యమును నాపై చూపినావు
నీమనస్సే అతిమధురం అది నాసొంతమే
॥ పరిమళ॥
2. చీల్చబడిన బండనుండి నా -
కొదువ తీర్చి నడిపితివి
నిలువరమగు ఆత్మశక్తితో - కొరతలేని ఫలములతో
నను నీ రాజ్యమునకు పాత్రునిచేయ
ఏర్పరుచుకొంటివి
నీ స్వాస్థ్యములో నే చేరుటకై - అభిషేకించినావు
నీ మహిమార్థం వాడబడే నీ పాత్ర నేను
॥ పరిమళ॥
3. వేచియున్న కనులకు నీవు కనువిందే చేస్తావని
సిద్ధపడిన రాజుగ నీవు నాకోసం వస్తావని
నిను చూచిన వేళ నాలో ప్రాణం ఉద్వేగభరితమై
నీ కౌగిట ఒదిగి ఆనందముతో నీలో మమేకమై
యుగయుగములలో నీతో నేను నిలిచి పోదును
॥ పరిమళ॥
No comments:
Write CommentsSuggest your Song in the Comment.