నా జీవితాన కురిసెనే నీ కృపామృతం
నా జిహ్వకు మధురాతి మధురం నీ నామగానామృతం || 2 ||
నీ కృపతోనే అనుక్షణం తృప్తి పొందెదను || 2 ||
1. నీ దయ నుండి దూరము కాగా
ప్రేమతో పిలిచి పలుకరించితివే || 2 ||
కృపయే నాకు ప్రాకారము గల - ఆశ్రయపురమాయెను
నీ కృప వీడి క్షణమైనా నేనెలా మనగలను || 2 || || నా జీవితాన ||
2. నా యేసయ్యా - నీ నామమెంతో
ఘనమైనది - కొనియాడదగినది || 2 ||
కృపయేనా ఆత్మీయ అక్కరలు సమృద్ధిగా తీర్చెను
నీ మహదైశ్వర్యము ఎన్నటికి తరగనిది || 2 || || నా జీవితాన ||
3. నీ సన్నిధిని నివసించు నాకు
ఏ అపాయము దరిచేరనివ్వవు || 2 ||
కృపయేనా అడుగులు స్థిరపరచి బండపై నిలిపెను
నీ ఔన్నత్యమును తలంచుచూ స్తుతించెదను || 2 || || నా జీవితాన ||
No comments:
Write CommentsSuggest your Song in the Comment.